LA PRINCIPESSA DIANA

E CHIANCIUNU L’INGRISI-----"TALIANI E FRANCISI

E CHIANCIUNU LA GENTI---MALATI E SUFFIRENTI

LA BEDDA PRINCIPISSA ---MORSI E FICI LA FINI

COMU LA BARUNISSA –SIGNURA DI CARINI

LA BEDDA DIANA S’AVIA FATTU ZZITA

E COL PRINCIPI CARLU MARITATA

DIANA BEDDA DUCI E SAPURITA

RIALI PRINCIPISSA E’ "NNUMINATA

E DUNA AMURI E FIGGHI PPA’ CURUNA

MA CARLU A DIANA, AMURI NON CI NNI DUNA

LU PRINCIPI A CAMILLA IEVA A TRUVARI

E DIANA TROPPU ASSAI NNI SUFFRIA

PIRCHI’ SI VIDI TROPPU TRASCURARI

CA CCU LETTI SPARTUTI IDDA DURMIA

E PPI DDA FIMMINA,CCU L’OCCHI DI TRIGGHIA

SI SCUMMINAU TUTTA NA FAMIGGHIA

LA MATRI A CARLU SPISSU CUMMIGGHIAVA

DI TUTTI LI CAPRICCI CA FACIA

SULU A CURUNA A D’IDDA CCI MPURTAVA

MENTRI DIANA PPI CHISTU PATIA

MA CCU A DUCIZZA E LU SO’ FARI ABBUNNU

DIANA SI CONQUISTA TUTTU "U MUNNU

QUANNU DIANA APPI A DIVURZIARI

NOBILI ERA E NOBILI ARRISTAU

GINTILI AFFABILI E SAPPI SEMPRI AMARI

E IN OGNI DUNNI AMURI CUNQUISTAU

CHE IN OGNI LUOGHU CA CCE’ SUFFIRENZA

IDDA CURREVA PPI BENEFICENZA

DIANA "NFRANCIA INCONTRA "U VERU AMURI

E’ UN BELL’UOMO ,DODI L’EGIZIANU

MA PPA CURUNA CHISTU E’ UN DISONURI

PIRCHI’ DI CASTA E RELIGIONI E’ STRANU

DIANA INVECI ORA E’ CUNTENTI

E DA CURUNA UN CCI NNI MPORTA NENTI

MENTRI A PARIGI DODI CCU DIANA

STANU ANNUNCIANDU LU FIDANZAMENTU

SI SENTI A MORTI UN TOCCU DI CAMPANA

SUTTA DI UN PONTI CC’E’ "N’INVISTIMENTU

E DINTRA A MACHINA DDA MALIDITTA NOTTI

DODI E DIANA SI LI RUBBAU LA MORTI

SIGNURA MORTI , CU E’… CU FU’, CA VI MANNAU

LA BEDDA DIANA, CU E’.. CU FU’, CA L’AMMAZZAU

DICITTINNILLU FORTI..QUIETATINI "U PINSERU

DICITINNILU ORA STRUGGHITI STU’ MISTERU

…E TUTTI ORA A CHIANCINU…MA LACRIMI DI GIOIA

CCI SUNNU D’INTRA ALL’OCCHI DA CCU E’ CHE DAVA NOIA