LA LIGGENNA DI ACI E GALATEA SOL ---

Testo e musica di TRINCALE

LU PASTUREDDU IACI E’ SPASIMANTI

PPI GALATEA NINFA DI LU MARI

MA POLIFEMU ORBU D’UN GICANTI

PPI GILUSIA A GH’ACI VOSI AMMAZZARI

LU FATTU FU’ ACCUSSI CA SUCCIDIU

MA "NVIRITA’ NON SACCIU CU" SCRIVIU

IU ORA VI LU CANTU E SENZA AMMENTA

DI COMU LU TRAMANNA LA LIGGENDA

NTRA L’UNNI DI LU MARI CCU PUISIA

ACI CCU GALATEA SI STRINCIA

E GH’ACI VIDIA CRISCIRI CCU SENNU

LA SO’ PRUMISSA DI D’AMURI ETERNU

….A…. COMU AVVAMBAVA POLIFEMU

VIDENNISI CUNTRARIA LA SORTI

E DICI A GALATEA ORA VIDEMU

TRA MIA E GH’ACI CU E’ LU CCHIU’ FORTI……

E DDU GIGANTI ORBU E CANAGGHIA

ISAU LI MASSI COME CH’ ERA PAGGHIA

E CCU LISTIZZA E RABBIA LI SCHIAGGHIAU

CONTRU DI IACI E LU VO’ AMMAZZAU

LA NINFA DI LU MARI MISCHINITTA

A DIU POSAIDONI INVUCAU

CA MPIETUSITU DI DDA DONNA AFFLIATTA

A GH’ACI COME SCIUMI TRASFURMAU

E MENTRI POLIFEMU VA’ A LU NFERNU

LU SCIUMI NOTTI E GHIORNU ABBRAZZA "U MARI

CA SCIUMI E MARI SUNNU AMURI ETERNU

PICCHISSU CA NON L’AMM’AVVILINARI

CHISTU VI LASSA SCRITTU "U CANTASTORI

SENZA CIRCARI FASTI E MANCU GLORI

MA VOLI FARI OMAGGIU CULTURALI

ALLA SICILIA E A GH’ACIREALI